مساء الفل والرقه وبين الدقه والدقه
كلام نفسي اقولهولك لكن محتاجله انا زقه
مساء الفل على قلبك وكل واحد هنا جنبك
على الدنيا اللي ضحكالي بأول دقه من قلبك
فرحان والدنيا فرحانه علشان شيفاك
ولساني متلغبط بأمانه طول ما انا وياك
مزيكا بتعزف في هوانا ما في الا سواك
...
مساء الفل ع الضحكه بتفتح الف ميت سكه
بتخطف قلبي م الدنيا وقلبي واقف على تكه
مساء الفل وزياده ع اللي في جماله بيتمادى
تعيش وتحلو وتضحك يا رب ما يقطع العاده
فرحان والدنيا فرحانه علشان شيفاك
ولساني متلغبط بأمانه طول ما انا وياك
مزيكا بتعزف في هوانا ما في الا سواك
...
مساء الفل ع الغايبين واللي بعيد وحوالينا
مساء الفل مش ناسيين حبايبنا واهالينا
على الرايق وعلى الفايق ع الماشي وع السايق
على الحلو اللي بيحلي كل حاجه في عينينا